Mafían ræðst gegn saksóknara

Sprengja sprakk fyrir utan heimili aðalsaksóknara ítölsku borgarinnar Reggio Calabria í morgun. Einhverjar skemmdir urðu á húsinu en enginn slasaðist. Er talið að mafían í borginni beri ábyrgð á tilræðinu.

Saksóknararinn, Di Landro segir ástæðuna fyrir árás mafíunnar vera þá að hann hafi alltaf unnið vinnuna sína. Di Landro var heima er sprengjan sprakk ásamt fjölskyldu sinni.

„'Ndrangheta stendur örugglega á bak við tilræðið, en ekki ein," segir Vincenzo Macri, saksóknari í bænum Ancona í viðtali við Sky TG 24 fréttastöðina á Ítalíu í morgun.

Vísar hann þar til mafíunnar í Kalabríuhéraði en Ndrangheta starfar víðar á Ítalíu og erlendis. Í janúar sprakk sprengja fyrir utan skrifstofu saksóknaraembættisins í Reggio Calabria.

• 1 blogg um fréttina

Bloggað um fréttina

• Sigurður Haraldsson: Þetta hefði getað átt við okkur.