Batman mótmælir Kóranbrennu

Um 10.000 manns mótmæltu Kóranbrennunni, sem bandarísk kirkja hugðist standa fyrir þann 11. september, á götum úti í borginni Batman í suðausturhluta Tyrklands í dag.

„Brjótið hendur þeirra sem vilja brenna Kóraninn“ sagði á einu mótmælaspjaldanna  „Við munum fórna lífi okkar fyrir þig, Kóran“ sagði annað.

Síðasta sunnudag mótmæltu um 30.000 manns Kóranbrennunni í nágrannabænum Diyarbakir, sem er stærsta borgin í hinum aðallega kúrdíska suðausturhluta Tyrklands.

Það var evangelískur prestur í Flórídafylki í Bandaríkjunum sem hugðist standa fyrir bókabrennu á Kóraninum til þess að minnast árásanna á Tvíburaturnana þann 11. september.  

Hætti hann við áformin vegna gríðarlegs pólitísks þrýstings frá stjórnvöldum í Bandaríkjunum og erlendis.

• 1 blogg um fréttina

Bloggað um fréttina

• Arngrímur Stefánsson: Hafa þeir ekkert annað að gera?