Flýtti dauða föður síns

Fyrir rúmlega hálfri öld bað breski leikarinn Sir Michael Caine lækni um að gefa dauðvona föður sínum of stóran skammt af verkjalyfjum til að lina þjáningar hans á dánarbeðinu. Caine er fyrst að skýra frá þessu núna en hann þagði um málið af tillitsemi við móður sína.

Faðir Caine hét Maurice Micklewhite en hann var flutningamaður á fiskmarkaði er hann greindist með krabbamein í lifur.

Micklewhite var 58 ára er sjúkdómurinn komst á lokastig.

Það var þá sem Caine heimsótti helsjúkan föður sinn á St. Thomas's-sjúkrahúsið í suðurhluta Lundúna.

Þetta var um kvöld og eftir nokkra stund tók Caine lækninn tali og spurði hvort ekki væri hægt að binda endi á þjáningar föður síns.

Læknirinn sagði í fyrstu útilokað að grípa inn í ferlið en sagði svo nokkru síðar við Caine að hann skyldi koma aftur um miðnætti.

Þear klukkan var fimm mínútur gengin í eitt eftir miðnætti var Micklewhite allur og er Caine sannfærður um að læknirinn hafi orðið við þessari bón sinni. 

• 1 blogg um fréttina

Bloggað um fréttina

• Axel Jóhann Hallgrímsson: Misskilin mannúð