Norskur söngleikur ekki sýndur í Kína

Kínversk stjórnvöld hafa aflýst sýningum á norskum söngleik, sem áttu að vera í kínversku borgunum Peking og Wuhan í nóvember. Ástæðan er sú, að norska Nóbelsnefndin ákvað að veita kínverska andófsmanninum Liu Xiaobo friðarverðlaun Nóbels.

Thomas Stanghelle, höfundur söngleiksins, sagði við norsku sjónvarpsstöðina TV2, að þetta væri afar sorglegt en söngleikurinn fjallar um réttindi og möguleika fatlaðra.

Alexander Rybak, sem sigraði í Eurovision söngvakeppninni á síðasta ári, leikur aðalhlutverkið í söngleiknum, sem nefnist Some Sunny Night.  

• 1 blogg um fréttina

Bloggað um fréttina

• Jón Snæbjörnsson: Kínverjar setja norsurum stólinn fyrir dyrnar .......