Tilraunin mistókst hrapalega

Angela Merkel, kanslari Þýskalands, segir tilraun stjórnvalda til að mynda fjölmenningarsamfélag (þ. multikulti) hafa „mistekist hrapalega.“ Í ræðu sinni í Potsdam sagði hún hugmyndir þjóðfélagsins um samfélag þar sem allir búa í sátt og samlyndi ekki hafa orðið að raunveruleika.

Ummæli Merkel féllu í kjölfar yfirlýsinga þýskra stjórnmálamanna um að herða beri lög og reglur um innflytjendur. Samkvæmt nýlegri skoðanakönnun þykja 30% Þjóðverja of margir innflytjendur búa í Þýskalandi.