Skýrslu um helförina fagnað

Eftirlifendur helfararinnar fagna opinberun skýrslu þýskra stjórnvalda um þátttöku utanríkisráðuneytis Þýskalands í fjöldmorðum seinni heimstyrjaldarinnar. Eckart Conze, einn þeirra fjögurra sagnfræðinga sem fengu það hlutverk að kanna þátt ráðuneytisins í helförinni, hefur víða komið fram í fjölmiðlum um helgina.
Hann telur þátt ráðuneytisins vera mun stærri en áður var talið.

Bandarísk samtök eftirlifenda og niðja þeirra segja skýrsluna varpa ljósi á kafla sem ekki hafi litið dagsins ljós í sex áratugi.

„Þýskaland hefur nú litið í sársaukafullri hreinskilni á fortíð sína,“ segir Elan Steinberg, varaforseti sambandsins, í fréttatilkynningu.

„Tilraunir til að hvítþvo þátt utanríkisráðuneytis Hitlers og starfsfólks þess í glæpum helfararinnar eru nú einskis verðar.“

Conze segir utanríkisráðuneytið hafa stutt með virkum hætti allar aðgerðir, ofsóknir og réttindaskerðingu helfararinnar. „Utanríkisráðuneytið var glæpasamtök,“ segir hann í samtali við blaðið FAS.

• 1 blogg um fréttina

Bloggað um fréttina

• Sigurður Haraldsson: Auðvitað vissu þetta allir!