Yngsti Guantanamo-fanginn fékk 40 ára dóm

Bandarískur herdómstóll hefur dæmt Omar Khadr í 40 ára fangelsi fyrir að drepa bandarískan hermann og tilraun til hryðjuverks. Hann hefur dvalist í Guantanamo-fangelsinu í sjö ár, en hann var handtekinn árið 2002 þegar hann var 15 ára gamall.

 Omar Khadr er með kanadískan ríkisborgararétt. Hann er islams-trúar og játaði fyrir dómi á sig þær sakir sem á hann eru bornar. Það tók kvidóm tvo daga að komast að niðurstöðu.

Þó að Khadr hafi fengið 40 ára dóm mun hann aðeins taka út átta ára fangelsisdóm þar sem hann játaði fyrir dómi. Búist er við að hann verði sendur heim til Kanada eftir eitt ár.

Khadr er yngsti fanginn í Guantanamo. Sakargiftir á hendur honum voru í fimm liðum.