Lögregla gerir húsleit í banka í Moskvu

Talsmaður rússneska kaupsýslumannsins Alexandars Lebedevs segir, að hann sé lokaður inn í höfuðstöðvum bankans, sem hann á í Moskvu, og grímuklæddir og vopnaðir lögreglumenn séu að blaða í skjölum bankans. 

AP fréttastofan hefur eftir talsmanninum, að um 30 vopnaðir lögreglumenn hafi umkringt bankann í morgun og farið inn í hann. Talsmaðurinn sagðist ekki vita hver ástæðan væri fyrir þessum aðgerðum og talsmaður lögreglunnar neitaði að tjá sig.  

Lebedev keypti nýlega breska blaðið Independent og á einnig blaðið London Evening Standard. Hann á hlut í rússneska blaðinu Novaya Gazeta og flugfélaginu Aeroflot. 

Algengt er að lögregla geri húsleit í fyrirtækjum í Moskvu og leggi hald á tölvur og skjöl.  

• 1 blogg um fréttina

Bloggað um fréttina

• Pálmi Hamilton Lord: Rússneskur útrásarvikingur ?