Assange íhugar skaðabótamál

Julian Assange, stofnandi uppljóstrunarvefjarins WikiLeaks, íhugar að höfða skaðabótamál gegn sænska ríkinu vegna ákæru, sem sænska ríkissaksóknaraembættið gaf út á hendur honum fyrir nauðgun. Assange segir við Svenska Dagbladet, að lögfræðingar hafi ráðlagt honum að fara í mál.

Sænska ríkissaksóknaraembættið gaf út ákæru á hendur Assange í ágúst fyrir nauðgun og líkamsárás í Svíþjóð. Fréttirnar bárust um allan heim og var gefin út handtökuskipun á hendur Assange. Daginn eftir var handtökuskipunin afturkölluð og sömuleiðis ákæran fyrir nauðgun. En 1. september lýsti embættið því yfir á ný, að verið væri að sannsaka hvort Assange hefði gerst sekur um að nauðga tveimur konum og stendur sú rannsókn enn yfir. 

Frétt Svenska Dagbladet

• 1 blogg um fréttina

Bloggað um fréttina

• Ómar Geirsson: Uss, þú mátt ekki kjafta frá morðum og pyntingum.