Danir tregir til að tilkynna hatursglæpi

Umfang hatursglæpa gegn samkynhneigðum í Danmörku er að öllum líkindum allt að 10 sinnum meira en skýrslur gefa til kynna. Í nýrri skýrslu frá PET, njósnadeild dönsku lögreglunnar, kemur fram að á síðasta ári fékk lögreglan alls 306 tilkynningar um hatursglæpi vegna kynþáttar, kynhneigðar eða stjórnamálaskoðana.

Það er fjölgun frá árinu á undan, en samt fjarri raunveruleikanum og væri talan mun hærri ef fórnarlömb árásanna væru duglegri að leita til lögreglu, að sögn Kenneth Engberg, sem er talsmaður baráttuhóps samkynhneigðra gegn hatursglæpum. „Nú ríður á að við tökum okkur á og verðum duglegri að tilkynna lögreglu um árásir, því ef við gerum það ekki þá gerum við PET erfiðara fyrir að fyrirbyggja þessa glæpi," segir Engberg í viðtali við Politiken.

Engberg segir að skráð tilfelli hatursglæpa í Danmörku séu bara toppurinn á ísjakanum. Hann bendir á að í Svíþjóð hafi 4.700 hatursglæpir verið tilkynntir til lögreglu. Miðað við höfðatölu ættu megi því áætla að tilfellin séu a.m.k. 3.000 í Danmörku.

Af þeim 306 hatursglæpum sem tilkynntir voru í Danmörku í fyrra mátti rekja 73 til kynnáttahaturs, 64 árásir voru gerðar vegna stjórnmálaskoðana, 21 vegna trúar og 17 vegna kynhneigðar. Þetta er í fyrsta skipti sem PET tekur sérstaklega saman yfirlit um hatursglæpi og segir yfirmaður hennar að gefa þurfi nánari gaum að þessari tegund ofbeldisglæpa. 

• 2 blogg um fréttina

Bloggað um fréttina

• Davíð Stefánsson: Hatursglæpir.
• Jón Arnar: Ég reyndi ekki að kæra er ég lá í götunni …