Undirskriftir gegn hvalveiðum

Rúmlega 28 þúsund manns höfðu í morgun skráð nöfn sín í undirskriftasöfnun á netinu gegn hvalveiðum Íslendinga. „Stöðvið grimmilega hvalaslátrun Íslands“ er yfirskrift undirskriftasöfnunarinnar. Samtökin International Fund for Animal Welfare standa að söfnun undirskriftanna.

Því er beint til Hjálmars W. Hannessonar, sendiherra Íslands í Bandaríkjunum, að  þeir sem skrifa undir skjalið á netinu vilji að Ísland hætti hvalveiðum og stuðli fremur að því að „varðveita dýrmæta hvalaskoðunarþjónustu sína“.

Í formála söfnunarinnar segir að íslenskir hvalveiðimenn hafi á þessu ári drepið 148 skíðishvali og 60 hrefnur í útrýmingarhættu á sömu slóðum og ferðamenn leggja leið sína til að dást að þessum risavöxnu skepnum. 

• 2 blogg um fréttina

Bloggað um fréttina

• Gunnar Th. Gunnarsson: Við ætlum að gera hvorutveggja
• S. Einar Sigurðsson: Mótmælum IF FOR AW