Leiðtogar G20 ræða gjaldeyrismál

Leiðtogar G20 ríkjanna hafa samþykkt að forðast að grafa undan gengi gjaldmiðla sinna til að tryggja samkeppnisstöðu sína í alþjóðaviðskiptum. Annar dagur viðræðna ríkjanna fer nú fram í Seoul, höfuðborg Suður-Kóreu.

Leiðtogarnir hafa samþykkt að setja viðmiðunarreglur til að taka á því ójafnvægi á viðskiptajöfnuði sem hefur áhrif á hagvöxt á heimsvísu.

Mikill spenna ríkir í samskiptum sendinefnda á fundinum sem eru ósammála um hvernig eigi að leiðrétta það misræmi sem sé á milli gjaldmiðla og viðskipta.

Sumir telja að deilurnar, þá sérstaklega á milli Kína og Bandaríkjanna, muni hafa slæm áhrif á vöxt.

Barack Obama, forseti Bandaríkjanna, segir að það eigi enginn ágreiningur að vera uppi varðandi það að leiðrétta það ójafnvægi sem hafi átt þátt í því að leiða til þeirrar kreppu sem heimurinn er enn að jafna sig af.

Hann segir að gengi gjaldmiðla verði að endurspegla raunveruleikann.

• 2 blogg um fréttina

Bloggað um fréttina

• Jón Pétur Líndal: #6791 - Heimsveldin í vörn.
• Geir Ágústsson: Blygðunarlaus hræsni Barack Obama