Írland muni þiggja fjárhagsaðstoð

Patrick Honohan, seðlabankastjóri Írlands, býst við því að írsk stjórnvöld muni þiggja fjárhagsaðstoð. Um umtalsverðar upphæðir sé að ræða. Þetta sé hluti af björgunaraðgerðum sem Evrópusambandið styður.

Í viðtali við útvarpsstöðina RTE segist Hononhan búast við því að upphæðin muni nema tugum milljörðum evra.

Lokaákvörðunin er í höndum írsku ríkisstjórnarinnar sem hefur enn ekki tjáð sig um málið.

Von er á sérfræðiteymi til Írlands í dag til að fara betur yfir skuldavanda þjóðarinnar. Meðal þeirra sem munu taka þátt í viðræðunum eru fulltrúar frá Alþjóðagjaldeyrissjóðnum, Seðlabanka Evrópu og ESB.

Þeir munu funda með stjórnvöldum í Dublin, en ríkisstjórnin hefur neitað því að hún hafi óskað eftir aðstoð.

• 2 blogg um fréttina

Bloggað um fréttina

• Sigurður Haraldsson: Aðstoð allt of seint og ekki rétt!
• Ómar Geirsson: Írar gefast upp.