Áætlun um lok stríðsreksturs

Leiðtogar Atlantshafsbandalagsins NATO samþykktu í morgun áætlun um að  byrja að afhenda afganska hernum stjórn á stríðsrekstrinum í landinu á næsta ári. NATO áformar að hætta öllum afskiptum af stríðinu árið 2014 þannig að það verði þá alfarið á höndum heimamanna.

„Við höfum hafið ferlið í þá átt að fá afgöngsku þjóðinni aftur fullt húsbóndavald í sínu húsi,“ sagði Anders Fogh Rasmussen, framkvæmdastjóri Atlantshafsbandalagsins á blaðamannafundi.

Hamid Karzai, forseti Afganistan, undirritaði áætlunina ásamt Ban Ki-moon, aðalritara Sameinuðu þjóðanna og Rasmussen framkvæmdastjóra á leiðtogafundi NATO í Lissabon. 

• 1 blogg um fréttina

Bloggað um fréttina

• Ómar Ragnarsson: Lögmál Kissingers um skæruhernað.