Einn lést og 14 særðust

Suður-kóreskur landgönguliði lét lífið og að minnsta kosti 14 særðust þegar Norður-Kóreumenn létu sprengjum rigna yfir suður-kóreska eyju í Gulahafi við landamæri ríkjanna í morgun. Eldur kviknaði í byggingum af völdum sprengnanna. 

Suður-kóreskir hermenn á eyjunni svöruðu skothríðinni og her landsins hefur verið settur í viðbragðsstöðu.  Að sögn YTN sjónvarpsstöðvarinnar í Suður-Kóreu er um að ræða  alvarlegustu landamæraátökin milli ríkjanna frá því Kóreustríðið var háð á tímabilinu frá 1950 til 1953.  

Lee Myung-Bak, forseti Suður-Kóreu, hefst nú við í neðanjarðarbyrgi þar sem hann situr á fundi ásamt ráðherrum og þjóðaröryggisráðgjöfum. 

Kínverjar og Rússar hafa lýst yfir miklum áhyggjum af þessum atburðum og hvetja Kóreuríkin tvö um að vinna að friði og öruggi á Kóreuskaga. Kínverjar eru helstu bandamenn Norður-Kóreumanna.

• 1 blogg um fréttina

Bloggað um fréttina

• Sigurður Haraldsson: Stríðið!