Stjórnvöld í Ekvador bjóða Assange velkominn
Setja bókamerki
Stjórnvöld í Ekvador hafa boðið Julian Assange, stofnanda uppljóstrunarvefjarins Wikileaks, að flytjast búferlum til landsins, án nokkurra skilyrða.
„Við erum reiðubúin að veita honum dvalarleyfi í Ekvador, án nokkurra vandamála og án skilyrða,“ segir Knitto Lucas, aðstoðarutanríkisráðherra landsins, í samtali við fréttasíðuna Ecuadorinmediato.
„Við munum bjóða honum að koma til Ekvador svo hann geti kynnt að vild þær upplýsingar sem hann býr yfir og öll skjöl. Ekki aðeins á netinu heldur eftir ýmsum almennum leiðum,“ segir Lucas.
Um miðjan þennan mánuð var gefin út alþjóðleg handtökuskipun á hendur Assange, sem er 39 ára gamall Ástrali. Er hann grunaður að hafa nauðgað tveimur konum í Svíþjóð.
Bandarísk stjórnvöld hafa greint frá því að lögreglurannsókn sé hafin á því hvernig Wikileaks gat komist yfir og birt leynileg bandarísk sendiráðsskjöl á netinu.
Talsmaður Hvíta hússins í Washington segir að þeir sem birtu skjölin séu glæpamenn. Bandarísk yfirvöld hafa hins vegar ekki gefið út formlega ákæru á hendur Assange.
Frestar skerðingum fyrir norðan og austan
Óvissustigi á Vestfjörðum aflýst
Allt frá nokkrum tímum upp í viku í nýrri miðstöð
Vonast eftir breiðri þverpólitískri sátt
Óeðlilegt að sama gjald verði tekið óháð þyngd
Óvissustig á mörgum vegum
Mjög dýrt að tryggja landamærin
