Assange handtekinn

Lögregla í Bretlandi hefur handtekið Julian Assange, aðalritstjóra uppljóstrunarvefjarins WikiLeaks. Ástæðan er handtökuskipun, sem sænska lögreglan hefur gefið út vegna gruns um að Assange hafi framið kynferðisbrot gegn tveimur konum. 

Fram kemur á vef breska ríkisútvarpsins, að Assange hafi verið handtekinn í Lundúnum. Vitnað er í tilkynningu frá Lundúnalögreglunni Scotland Yard þar sem segir að Assange hafi komið á lögreglustöð í borginni klukkan 9:30 í kjölfar þess að lögregla hafði samband við lögmann hans í gærkvöldi og lét hann vita að gild alþjóðleg handtökuskipun hefði verið gefin út.

Assange á að koma fyrir dómara síðar í dag.  Hann hefur ítrekað neitað því að hafa brotið af sér í Svíþjóð. Mark Stephens, lögmaður Assange, hefur gagnrýnt sænska ríkissaksóknaraembættið og segir, að Assange hafi frá því í ágúst boðist til þess að eiga fund með saksóknurum.  

• 5 blogg um fréttina

Bloggað um fréttina

• Sigurður Sigurðsson: Assange vs Sigurður Einarsson
• Svanur Gísli Þorkelsson: Engin ákæra á hendur Julian Assange
• Einar Guðjónsson: Gaf sig fram.
• Magnús Sigurðsson: Sjónarspil?
• Heimir Lárusson Fjeldsted: Sænska smokkaeftirlitið