Assange óttast framsal

Julian Assange segist hræddur um að vera framseldur til Bandaríkjanna. Hann er staðráðinn í að halda áfram verki sínu og halda fram sakleysi sínu.

Í viðtali við BBC í dag sagðist Assange hafa heyrt orðróm um að Bandaríkin hefðu krafist framsals hans.

Talsmaður dómsmálaráðuneytis Bandaríkjanna vildi ekki staðfesta þettai í samtali við BBC.

Assange verst einnig framsalskröfu til Svíþjóðar vegna nauðgunarákæru.

Joe Biden, varaforseti Bandaríkjanna, segir að utanríkisstefna Bandarríkjanna hafi ekki borið umtalsverðan skaða af birtingu WikiLeaks á leyniskjölum Bandaríkjanna.

Þessi ummæli lét Biden falla í viðtali á sjónvarpsstöðinni MSNBC sem tekið var upp á fundi öryggisráðs Sameinuðu þjóðanna í Írak.

„Birting sumra gagnanna er fremur vandræðaleg,“ sagði Biden.  „En ekkert sem kemur fram í þeim ætti að skapa vantraust á Bandaríkjunum.“

Julian Assange, stofnandi WikiLeaks, á tröppun hæstaréttar í London eftir að hann var látinn laus í dag. Reuters

• 1 blogg um fréttina

Bloggað um fréttina

• Sigurður Hrellir: Góð í að gera ekki neitt