Bann við fóstureyðingum dæmt ólöglegt

Mannréttindadómstóll Evrópu hefur dæmt að lög sem banna fóstureyðingar á Írlandi brjóti mannréttindasáttmála Evrópu sem Írar eru aðilar að.

Þrjár konur fóru með málið fyrir dómstólinn, en þær fóru í fóstureyðingu í Bretlandi. Ein konan taldi að meðgangan hafi ógnað lífi sínu en hún gekkst undir krabbameinsaðgerð án þess að vita að hún var ófrísk.

Fóstureyðingalöggjöfin á Írlandi hefur alla tíð verið mjög ströng. Írsk stjórnvöld segja að lögin heimili fóstureyðingar ef lífi móður er ógnað, en lögmenn konunnar sögðu að þannig væri það ekki í reynd.

Hinar konurnar tvær sem líka kærðu málið til Mannréttindadómstólsins töpuðu máli sínu, en önnur þeirra var með utanlegsfóstur og hin átti við áfengisvanda að stríða.

• 2 blogg um fréttina

Bloggað um fréttina

• Kolbrún Hilmars: Þar fór það!
• Jón Ármann Steinsson: Aldrei er góð vísa of oft kveðin, þó hún sé …