Festist undir ís

Danskur karlmaður er í lífshættu eftir að hann festist undir ís þegar hann var að synda í lóni í Amager Strandpark í Kaupmannahöfn í gær. Að sögn lækna á Rigshospitalet er manninum haldið sofandi í öndunarvél.  

Maðurinn, sem er 46 ára að aldri, reyndi að kafa milli tveggja vaka á ísnum í lóninu en virðist hafa misst áttanna og fann ekki vökina. Aðrir sem þarna voru að synda sáu manninn undir ísnum og hringdu á neyðarlínu og tókst köfurum frá slökkviliði Amgaer að bjarga manninum og lífga hann við með því að beita hjartahnoði. Talið er að maðurinn hafi legið í um 25 mínútur undir ísnum áður en honum var bjargað.

Það hefur verið gagnrýnt að vegurinn að lóninu hafði ekki verið ruddur og tafði það björgunarstörf. 

• 1 blogg um fréttina

Bloggað um fréttina

• Jón Arnar: Er Eyrarsund nú orðið að lóni?