Fuglaráðgátan heldur áfram

Margir Bandaríkjamenn brjóta nú heilann um hvort tilfellin séu fyrirboði um að veröldin sé að líða undir lok. Eitt er víst: 500 svartþrestir féllu dauðir til jarðar í Louisiana og bættust þar með í hóp 5.000 svartþrasta og 83.000 smáfiska sem fundust dauðir í Arkansas.

Á vef CNN segir að kenningar séu uppi um að mikill og skyndilegur hávaði kunni að skýra dauða svartþrastanna í Arkansas, svo sem vegna flugelda um áramótin.

Sama skýring geti hins vegar ekki átt við í Louisiana. 

Á hinn bóginn er vísað til umræðna á vef MSNBC um að aðrir hafi leitt líkur að því hvassviðri skýri dauða svartþrastanna í Arkansas.

Engar slíkar skýringar hafa verið lagðar fram um dauða þrastanna í Louisiana.

Dauði smáfiskanna er einnig ráðgáta en þeir drápust á bökkum Arkansasár um 160 km vestur af Beebe.

Dæmi um svartþröst á borð við þá sem fundust dauðir í Louisiana.

• 1 blogg um fréttina

Bloggað um fréttina

• Sigurður Haraldsson: Fuglar eru viðkvæmir!