Díoxínmengun 77 sinnum yfir leyfilegum mörkum

Niðurstöður rannsóknar á menguðu dýrafóðri í Þýskalandi leiddu í ljós að díoxín í fóðrinu mældist 77 sinnum yfir leyfilegum mörkum. Búið er að loka um 4.700 þýskum bóndabæjum í Slésvík Holstein eftir að mengunarinnar varð vart.

Upphaflega varð mengunarinnar aðeins vart í Þýskalandi. Síðar kom í ljós að díoxínmenguð egg voru flutt frá Þýskalandi til Hollands, og þaðan til Bretlands.

Stjórnvöld í Suður-Kóreu hafa stöðvað innflutning á þýsku svína- og kjúklingakjöti.

Rannsókn er hafin í Þýskalandi og beinist hún m.a. að fóðurfyrirtækinu Harles und Jentzsch.

Sé matvara með miklu magni af díoxín neytt í talsverðan tíma getur það valdið alvarlegum skaða á heilsu manna. 

• 1 blogg um fréttina

Bloggað um fréttina

• Sigurður Haraldsson: Vá fyrir dyrum.