Myglueitur í lífrænu haframjöli

Matvælaeftirlitið í Danmörku tilkynnti í byrjun janúar að myglueitur hefði fundist í haframjöli frá Dalby Mølle.

Nú hefur aftur fundist myglueitur í framleiðslu fyrirtækisins, sem seld er undir ýmsum nöfnum í Danmörku.Um er að ræða eiturefnið Deoxynivalenol.

Þetta kemur fram á vefsíðu danska dagblaðsins Berlingske Tidende. Þar segir að efnið geti valdið uppköstum og langvarandi neysla þess geti valdið veikingu á ónæmiskerfi.

Haframjölið er selt undir ýmsum vörumerkjum, þeirra á meðal eru  Dalby Mølle, lífrænt haframjöl frá Best, fínvalsað haframjöl frá First Price, fínvalsað haframjöl frá Gammelby Mølle og grófvalsað haframjöl frá Morgengry.

Nokkur þessara vörumerkja eru seld í verslunum hér á landi.

• 1 blogg um fréttina

Bloggað um fréttina

• Hip 2b^2: Var að borða fínvalsað frá FirstPrice þegar ég las þetta