94 ára braut umferðarlög gróflega

Fyrr í vikunni stöðvaði danska lögreglan 94 ára gamla konu sem  ók á röngum vegarhelmingi á Holbæk-hraðbrautinni, skammt fyrir utan Kaupmannahöfn.

Konan ók í vesturátt, en aðrir á veginum stefndu austur. Tilkynningum rigndi inn til lögreglunnar um að lítill grænn bíll ylli mikilli hættu með því að aka á móti umferð.

Frá þessu segir á fréttavef danska dagblaðsins Berlingske Tidende.

Þegar lögregla kom á staðinn og tókst að hefta för litla græna bílsins, sagðist ökumaðurinn vel hafa vitað af því að hún hefði ekið á móti umferð. Engu að síður hefði hún ákveðið að halda því áfram, en hún hafði ekið allnokkra kílómetra með þessum hætti.

Konunnar bíður nú ákæra fyrir vítavert umferðarbrot.

• 1 blogg um fréttina

Bloggað um fréttina

• Dagný: Spennufíkill