Ákærður fyrir fleiri glæpi

Hálffimmtugur karlmaður, sem á síðasta ári var handtekinn í Kaupmannahöfn, grunaður um morð og nauðganir á tveggja áratuga tímabili, er nú grunaður um að hafa nauðgað fjórum stúlkum í íbúð á Amager árið 1995. 

Að sögn danskra fjölmiðla hafa DNA sýni, sem fundust eftir nauðgunina, leitt til þess að maðurinn er grunaður um verknaðinn.

Maðurinn braust inn í íbúð við Ingolfs Alle á Amager 19. október 1995. Fjórar stúlkur voru í íbúðinni, húsráðandinn, sem var 23 ára, og þrjár stúlkur á aldrinum 14-15 ára.  Maðurinn batt stúlkurnar og keflaði og nauðgaði þeim síðan.

Maðurinn var handtekinn í nóvember í fyrra eftir að 17 ára stúlku var nauðgað á Amager í Kaupmannahöfn. Rannsóknir á lífssýnum leiddu í ljós að um var að ræða sama mann, sem myrti fertuga konu á Amager árið 1990 og nauðgaði 24 ára gamalli konu árið 2005, einnig á Amager.

• 1 blogg um fréttina

Bloggað um fréttina

• Sigurður Haraldsson: Gott að hann náðist.