Átök magnast í Egyptalandi

Mótmælin í Egyptalandi halda áfram og hafa breiðst út um allt land. Þannig lokuðu mótmælendur járnbrautum og þjóðvegum við borgina Assiut í dag, sem eru mikilvægar samgönguleiðir milli norður- og suðurhluta landsins. Þá létust minnst fimm manns í átökum í bænum Kharga. Alls hafa um 300 manns látist frá því að mótmælin hófust fyrir um tveimur vikum.

Borgin Assiut er um 350 km suður af höfuðborginni, Kairó. Þar þustu um 4.000 mótmælendur út á götur og lokuðu lestarteinum með timbri og múrsteinum. Einnig var kveikt í dekkjastæðum. Krafa mótmælenda er áfram sú sama, að forsetinn Hosni Mubarak fari tafarlaust frá völdum.

Utanríkisráðherra Egyptalands lýsti því svo yfir í kvöld að stjórnvöld muni beita hervaldi í auknum mæli til að koma í veg fyrir allsherjar upplausn í landinu, eins og það var orðað.

Mótmælendur bera á milli sína stóran fána Egyptalands í Karíró í dag. Reuters

• 1 blogg um fréttina

Bloggað um fréttina

• Jóhann Hallgrímsson: Nota herinn, ha...