Í hrossakaupum við furstadæmin

Sameinuðu arabísku furstadæmin hafa boðist til að skjóta skjólshúsi yfir Hosni Mubarak, fyrrverandi forseta Egyptalands, og auðævin sem hann sankaði að sér í 30 ára forsetatíð sinni.

Fréttavefur Berlingske greindi frá þessu og bar dagblað í Kúveit fyrir fréttinni. Blaðið Al-Qabas sagði að Mubarak ætti í hrossakaupum við utanríkisráðherra Sameinuðu arabísku furstadæmanna, Sheikh Abdullah Bin Zayed Al Nahyan. 

Í samkomulaginu mun felast að Mubarak fái hæli í furstadæmunum og tryggi um leið auðævi fjölskyldu sinnar. Þetta samkomulag var forsenda þess að hann hyrfi af forsetastóli.

• 2 blogg um fréttina

Bloggað um fréttina

• Jón Aðalsteinn Jónsson: Stöndum nú saman
• Magnús Ágústsson: skjóta skjólshúsi yfir Hosni Mubarak+70billion$