Stjórnarbyggingar loga í Líbýu

Eldur er sagður loga í stjórnarbyggingum í Líbýu en mótmælendur og öryggissveitir börðust í miðborg höfuðborgarinnar Tripoli í nótt. Mótmælendur réðust inn í skrifstofur ríkissjónvarps Líbýu.

Sjónarvottar sögðu AFP fréttastofunni, að skrifstofur Þjóðarnefndarinnar, sem er ein helsta valdastofnun stjórnvalda í Líbýu, stæðu í ljósum logum. 

Mannréttindasamtökin Human Rights Watch sögðu í morgun, að 233 manns hið minnsta hefðu látið lífið í átökum í Líbýu á undanförnum dögum.

Evrópusambandið sagðist í morgun vera að skoða leiðir til að flytja ríkisborgara aðildarríkja sinna frá Líbýu. 

• 1 blogg um fréttina

Bloggað um fréttina

• Ómar Geirsson: Frá þessu ástandi forðaði forseti Íslands þjóðinni.