Grunaður um að ætla að fremja hryðjuverk

Tvítugur maður frá Sádi-Arabíu, búsettur í Texas í Bandaríkjunum, hefur verið handtekinn vegna gruns um að hann ætlaði að búa til gereyðingarvopn.

Khalid Ali-M Aldawsari var handtekinn í gær, en hann er grunaður um að hafa ætlað að sprengja tiltekin skotmörk, m.a. heimili George W. Bush, fyrrverandi forseta Bandaríkjanna, í Dallas. Aldawsari mun koma fyrir dómara á morgun.

Lögregla fékk ábendingu um að maðurinn væri hættulegur eftir að hann pantaði hættuleg efni. Saksóknari segir að hann hafi falið sprengjur í dúkkum og í bakpoka.

Aldawsari hefur dvalið í Bandaríkjunum í tvö ár sem námsmaður. Hann mun hafa gefið þá skýringu að hann hafi pantað þessi tilteknu efni vegna þess að hann væri að vinna að efnafræðitilraunum.

• 1 blogg um fréttina

Bloggað um fréttina

• Axel Jóhann Hallgrímsson: Hryðjuverk eða sorpeyðing?