Danskt sæði er eftirsótt

Á undanförnum árum hafa sífellt fleiri konur víðsvegar að úr Evrópu sótt Danmörku heim í því skyni að gangast undir tæknifrjóvgun. Oftast er um að ræða konur, sem ekki eiga kosta á slíkri meðferð í heimalandi sínu.

Á síðustu fimm árum hefur fjöldi erlendra ríkisborgara sem fá tæknifrjóvgunarmeðferð í Danmörku fimmfaldast. Þessi fjölgun er fyrst og fremst rakin til þess að lög um tæknifrjóvganir eru talsvert frjálslegri þar í landi en víðast hvar annars staðar.

Þetta kemur fram í frétt á vef danska dagblaðsins Politiken.

Frá árinu 2007 hafa einhleypar og samkynhneigðar konur átt kost á tæknifrjóvgun í Danmörku og á sama tíma hafa mörg Evrópuríki lögfest reglugerðir um að sæðisgjafar megi ekki vera nafnlausir.

Það hefur gert það að verkum að skortur er á sæðisgjöfum í mörgum Evrópulöndum.

• 1 blogg um fréttina

Bloggað um fréttina

• Gísli Foster Hjartarson: Til þjónustu reiðubúinn