Fagna ákvörðun Arababandalagsins

Bandaríkjamenn og Bretar fagna þeirri ákvörðun Arababandalagsins að styðja loftferðabann yfir Líbíu.

Að mati Bandaríkjamanna gefur stuðningur Arababandalagsns til kynna víðtæka alþjóðlega andstöðu við það ofbeldi sem stuðningsmenn Gaddafis Líbíuforseta hafa sýnt mótmælendum í Líbíu.

Arababandalagið tilkynnti stuðning sinn í dag og sagði að stjórn Gaddafis hefði tapað umboði sínu. Bandalagið lýsti ennfremur yfir viðurkenningu á þjóðarbandalagi mótmælenda og sagðist munu eiga samskipti við mótmælendur.

Á fundi sínum í Kaíró í dag hvatti Arababandalagið Öryggisráð Sameinuðu þjóðanna til að axla ábyrgð og grípa til nauðsynlegra aðgerða til að koma á loftferðabanni yfir Líbíu.