Japanskir tæknifræðingar vinna nú að því að draga úr þrýstingi í öðrum kjarnakljúf í kjarnorkuverinu í borginni Fukushima, en sprenging varð í því í gær. Yfirvöld segja að neyðarkælikerfið í kjarnakljúf númer 3 hafi gefið sig. Óttast menn að hann muni bræða úr sér.

Svipað vandamál leiddi til sprengingar í kjarnakljúf 1, að því er segir á vef BBC. Búið er að flytja um 170.000 íbúa, sem búa í nágrenni við kjarnorkuverkið, á brott.

Japönsk stjórnvöld hafa reynt að draga úr áhyggjum manna af geislavirkni í námunda við verið. Forsvarsmenn kjarnorkuversins, Tepco, segja hins vegar að geislavirknin mælist nú vera yfir leyfilegum mörkum.

Mörg hundruð a.m.k. létu lífið á föstudag þegar jarðskjálfti varð við norðausturhluta Japans sem leiddi til þess að mikil flóðbylgja skall á land.

Björgunarstarf er í fullum gangi og aðstoða hermenn björgunarsveitir á vettvangi. Alls munu um 100.000 taka þátt í björgunaraðgerðunum.

Tengdar fréttir

Jarðskjálfti í Japan

Sýni úr úrgangsvatni frá Fukushima innan marka

• Vatn úr kjarnorkuveri á leið í sjóinn
• Setti lögbann á opnun kjarnorkuvers í Japan
• Sýknaðir vegna Fukushima-slyssins
• Minnast hamfaranna fyrir 7 árum

» Fleiri tengdar fréttir

• 1 blogg um fréttina

Bloggað um fréttina

• Magnús Jónsson: Óþarfar Ýkjur.