Áhyggjur af fjármálamörkuðum

Ríkisstjórnir ýmissa Evrópuríkja hafa látið í ljós áhyggjur af því hvaða áhrif náttúruhamfarirnar í Japan hafi á efnahag heimsins.

Fjármálaráðherrar Evrópuríkja hittust í dag í Brussel þar sem rætt var um leiðir til að vernda evruna, en einnig var rætt um áhrif atburðanna í Japan.

Wolfgang Schaeuble, fjármálaráðherra Þýskalands, sagði að nú yrði kannað hvaða áhrif þeir hefðu á fjármálamarkað. Þeir muni síðan hittast aftur eftir tvær vikur og taka stöðuna.

Japan er þriðja stærsta efnahagsveldi heims á eftir Bandaríkjunum og Kína og hefur því mikil áhrif á alþjóðlegum fjármálamarkaði. Verð á hlutabréfum í japönskum fyrirtækjum féll í dag og seðlabanki landsins dældi út fé til að reyna að draga úr áhrifunum.

• 1 blogg um fréttina

Bloggað um fréttina

• Sigurður Haraldsson: Rústir!