Sýrlenskar öryggissveitir leystu upp mótmæli fyrir utan innanríkisráðuneyti landsins í dag. Fjölskyldur baráttufólks fyrir mannréttindum sem situr í fangelsi stóð fyrir mótmælunum.

Að minnsta kosti fjórir af þeim tugum mótmælenda sem söfnuðust saman fyrir utan ráðuneytið í miðborg Damaskus voru handteknir. Á sama tíma söfnuðust stuðningsmenn forsetans Bashar al-Assad saman til að mótmæla mótmælunum.

Höfðu fjölskyldur 21 baráttumanns fyrir mannréttindum í Sýrlandi tilkynnt að þær hygðust krefjast þess af innanríkisráðherranum Saeed Sammur að þeim yrði sleppt.

Sumir af þeim sem sitja í fangelsi hafa dvalið þar í mörg ár, þar á meðal mannréttindalögfræðingarnir Amwar Bunni og Muhannad al-Hassani. Auk þeirra eru verkfræðingar, læknar og rithöfundar á meðal þessara pólitísku fanga.

Hafa mannréttindasamtök ítrekað hvatt stjórnvöld í Sýrlandi til þess að láta samviskufanga lausa og hætta að beita handahófskenndum handtökum gegn pólitískum andstæðingum og aðgerðarsinnum.

Tengdar fréttir

Sýrland

Forsetafrú með hvítblæði

• Helsti ráðgjafi Hisbollah sá sem ráðinn var af dögum
• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad

» Fleiri tengdar fréttir

• 1 blogg um fréttina

Bloggað um fréttina

• Sæmundur G. Halldórsson : Nei sko, þetta geta þeir!