Yfirmaður grét yfir ástandinu í Fukushima

Akio Komiri, framkvæmdastjóri orkufyrirtækisins sem sér um kjarnaofnana í Fukushima-kjarnorkuverinu, brast í grát eftir blaðamannafund sem haldinn var í Fukushima í dag. Á fundinum sagði hann geislavirknina frá verinu vera nægilega sterka til að verða nokkrum íbúum landsins að bana.

Stjórnvöld í Japan hækkuðu í morgun hættustig vegna ástandsins í Fukushima kjarnorkuverinu úr fjórum í fimm. Hættuástandið getur mest orðið sjö á þessum skala. Samkvæmt fimmta stiginu getur ástandið leitt til nokkurra dauðsfalla vegna geislavirkni.

Japanskir kjarnorkusérfræðingar segja stjórnvöld hafa gert lítið úr alvarleika málsins síðustu daga. Ástandið í Fukushima er nú orðið jafn alvarlegt og kjarnorkuslysið sem varð á Thee Mile Island í Pennsylvaniu árið 1979.

Lesa má nánar um blaðamannafundinn og ástandið í Fukushima á Daily Mail.

• 2 blogg um fréttina

Bloggað um fréttina

• Haraldur Haraldsson: Yfirmaður grét yfir ástandinu í Fukushima/mjög svo alvarlegt mál þetta …
• Ómar Geirsson: Maður með samvisku, grætur.