Vonast til að koma orku á kælikerfin á ný

Verkfræðingar í kjarnorkuverinu í Fukushima í Japan hafa tengt raforkukapal í einn kjarnakljúfanna og vinna að því að koma orku á kælikerfin á ný.

Rafmagnskapallinn hefur verið tengdur við kjarnakljúf númer 2 en stjórnendur hans hafa barist við að koma í veg fyrir alls herjar bráðnun sem gæti leitt til stórfelldrar geislavirkrar mengunar. Alls eru sex kjarnakljúfar í verinu.

„Ef engin vandamál koma upp í verinu í dag ættum við að geta komið rafmagninu á jafnvel strax í fyrramálið,“ sagði Fumikai Hayakawam, talsmaður kjarnorkuöryggisstofnunarinnar.

Vatni sprautað á kjarnakljúf númer 3. Reuter

• 1 blogg um fréttina

Bloggað um fréttina

• Haraldur Haraldsson: Reyna að koma á rafmagni /kannski tekst þetta, og vonar …