Taka ekki þátt fyrr en skipulagið er ljóst

Grete Faremo, varn­ar­málaráðherra Nor­egs, seg­ir að norsk­ar herþotur muni ekki taka þátt í hernaðaraðgerðunum í Líb­íu á meðan það sé óljóst hverj­ir stýri her­sveit­un­um. Norðmenn hafa sent sex herþotur til Ítal­íu og eru þær í viðbragðsstöðu.

„Þeir hafa ekki fengið skip­un um að taka þátt,“ sagði Faremo við norsku frétta­stof­una NTB.

„Þeir þurfa að fá nýj­ar skip­an­ir og á meðan munu þeir ekki taka þátt í aðgerðunum. Til að það geti gerst verður hernaðar­skipu­lag að liggja fyr­ir. Það gæti tekið nokkra daga,“ sagði hún enn­frem­ur.

• 1 blogg um frétt­ina

Bloggað um frétt­ina

• Torfi Kristján Stef­áns­son: Ósam­stíga árás­arlið