Leki geislavirkra efna rannsakaður

Ríkisstjórn Japans segir að rannsókn sé hafin á því hvað varð þess valdandi að geislavirk efni láku frá kjarnorkuverinu í Fukushima með þeim afleiðingum að tveir starfsmenn versins voru fluttir á sjúkrahús.

Stjórnendur kjarnorkuversins segja að geislavirk efni í hættulega miklu magni hafi mælst í vatni við einn af kjarakljúfunum og óttast menn að kjarninn hafi skemmst.

Yukio Edano, talsmaður ríkisstjórnarinnar, segir að viðamikil rannsókn sé hafin til að komast að því hvað olli lekanum í Fukushima Daiichi verinu. Rannsóknir hafi leitt í ljós að geilsavirkni í vatninu í kjarnakljúf 3 hafi mælst 10.000 sinnum hærri en eðlilegt þykir.

Kjarnorkumálastonfun Japans telur að kjarnakljúfurinn hafi skemmst, en stofunin hefur ekki viljað tjá sig nánar um málið.

• 1 blogg um fréttina

Bloggað um fréttina

• Sigurður Haraldsson: Ekki einkamál.