Utanríkisráðherra Líbíu flúinn

Moussa Koussa, utanríkisráðherra Líbíu, er flúinn frá heimalandi sínu en hann lenti á Farnborough herflugvellinum á Englandi í kvöld. Þangað kom hann frá Túnis. Er þetta talið mikið áfall fyrir Muammar Gaddafi, leiðtoga Líbíu.

Breska utanríkisráðuneytið staðfesti í kvöld, að Koussa væri kominn til Bretlands og hefði sagt þarlendum stjórnvöldum að hann hefði sagt af sér embætti í heimalandi sínu. Hann hafi ekki lengur viljað vera fulltrúi líbískra stjórnvalda á alþjóðavettvangi.

Stjórnvöld í Líbíu vildu í kvöld ekki viðurkenna að Koussa hefði flúið og sögðu að hann  væri í Lundúnum í erindum líbískra stjórnvalda.  

En háttsettur bandarískur embætismaður sagði, að flótti Koussa væri afar mikilvægur og sýndi, að liðsmenn Gaddafis sæju nú sína sæng upp reidda. 

• 3 blogg um fréttina

Bloggað um fréttina

• Viggó Jörgensson: Ekki alveg sannfærandi - gengur hann erinda Gaddafi?
• Svanur Gísli Þorkelsson: Óþokkinn Mussa Kussa
• Ingibjörg Guðrún Magnúsdóttir: Stórt skref stigið í sögu heimsins...