Í fangelsi fyrir samfarir við nemendur

Breskur kennari, sem kallaði sjálfan sig „Salford folann" hefur verið dæmdur í fangelsi fyrir samfarir með nemendum undir lögaldri. Kennarinn, sem sjálfur er 29 ára og heitir Christopher Drake, vann sem leikfimikennari í gagnfræðaskóla í Manchester.

Hann átti í kynferðislegu sambandi við tvær stúlkur frá því þær voru 14 ára gamlar og aðra sem var 16 ára. Fyrir dómi viðurkenndi Drake að hafa 18 sinnum átt í kynferðislegum athöfnum með börnum undir lögaldri og var hann dæmdur til 6 ára fangelsisvistar.

Upp komst um hátterni kennarans á Valentínusardaginn 2010, þegar tvær stúlkur í nemendahóp hans uppgötvuðu að hann átti í sambandi við þær báðar á sama tíma. Í kjölfarið kom þriðja stúlkan einnig fram. Við rannsóknina lagði lögregla hald á farsíma Drake og reyndist hann geyma upptökur af samförum kennarans við stúlkurnar.

16 ára gamla stúlkan sagði í vitnisburði sínum að kennarinn hefði fyrst haft samband við hana með sms-skilaboðum undir dulnefninu „Salford folinn". Í vitnisburðinum lýsti hún líðan sinni þannig að kennarinn hefði látið henni finnast hún „svikin, skítug, fífluð og einskis virði". Önnur yngri stúlknanna sagðist eiga í miklum erfiðleikum með að treysta fólki eftir samskipti sín við kennarann, þar sem hún hafi verið „barnaleg og heimsk" og hann hafi misnotað traust hennar.  

• 1 blogg um fréttina

Bloggað um fréttina

• Riddarinn : Var þetta þá ......