Bræður gripnir við mannát

Tveir bræður í Pakistan eru í haldi lögreglu ásakaðir um mannát. Þeir Arif og Farman Ali voru handteknir fyrr í vikunni þegar lögregla kom að þeim gerandi sér mat úr líki sem þeir rændu úr gröf.

Mannát  bræðranna uppgötvaðist eftir að í ljós kom að lík nýlega látinnar konu hvarf úr gröfinni, í borginni Sargodha í Pakistan. Fjölskylda konunnar tilkynnti hvarf líksins til lögreglu, sem hóf rannsókn á málinu. Bræðurnir eru báðir sagðir landeigendur á landamærum héðanna Punjab og Pakhtunkhwa.

Lögregla rakti slóðina frá grafreitnum að húsi bræðranna og greip þar bræðurna glóðvolga þar sem þeir höfðu skorið bita af líkinu og voru í miðju kafi að matbúa kjötið. Það sem eftir var af líkamsleifum konunnar, sem var 24 ára og lést úr krabbameini, var skilað aftur í gröfina.

Lögregla segir ekki ljóst hvers vegna mennirnir gripu til mannáts. Þeir eru sagðir í góðu líkamlegu og andlegu ástandi. Við yfirheyrslur viðurkenndu þeir að hafa fyrst drepið og étið hunda úr nágrenninu, áður en þeir sneru sér að mannakjöti.

• 1 blogg um fréttina

Bloggað um fréttina

• Svanur Gísli Þorkelsson: Nár í karrí