Vonsvikinn vegna Icesave

Danny Al­ex­and­er, aðstoðarfjármálaráðherra Bret­lands, kveðst vera von­svik­inn yfir því að Íslend­ing­ar hafi hafnað Ices­a­ve sam­komu­lag­inu. Hann sagði  að málið fari fyr­ir alþjóðlega dóm­stóla, að sögn BBC.

Al­ex­and­er kom fram í þætti Andrew Marr og sagði að niðurstaða þjóðar­at­kvæðagreiðslunn­ar hafi „aug­ljós­lega valdið von­brigðum... Við reynd­um að kom­ast að sam­komu­lagi.

Það er skylda okk­ar að ná þess­um pen­ing­um til baka og við mun­um halda því áfram þar til það tekst.... Við sem land erum í erfiðri fjár­hags­legri stöðu og þess­ir pen­ing­ar kæmu sér vel,“ sagði Al­ex­and­er.

Jan Kees de Jager, fjár­málaráðherra Hol­lands, er einnig von­svik­inn vegna niður­stöðu þjóðar­at­kvæðagreiðslunn­ar, að sögn ABC nyheter. Hann seg­ir að tími samn­inga sé að baki. Íslandi beri skylda til að borga pen­ing­ana til baka. Nú sé það dóm­stóla að ákveða hvernig það verði gert.

BBC vitn­ar í Jó­hönnu Sig­urðardótt­ur for­sæt­is­ráðherra sem sagði að höfn­un Ices­a­ve þýði að „versti kost­ur­inn var val­inn“.

Þá er vitnað í Stein­grím J. Sig­fús­son, fjár­málaráðherra, sem kvaðst telja að skila­boð þjóðar­at­kvæðagreiðslunn­ar séu skýr merki um að frek­ari samn­ingaviðræður komi ekki til greina.

Jan Kees de Jager.

• 11 blogg um frétt­ina

Bloggað um frétt­ina

• Vil­hjálm­ur Bjarna­son Ekki fjár­fest­ir: Fyrsti dag­ur hins nýja og frjálsa Íslands er í dag.
• Heca­dem­us: Nú á að kynna málstað Íslend­inga
• Guðlaug­ur Her­manns­son: Það er ennþá til 90% upp í kröf­una hjá Lands­bank­an­um …
• Ingi­björg Guðrún Magnús­dótt­ir: Frá mín­um bæj­ar­dyr­um séð...
• Jón Lárus­son: "í erfiðri fjár­hags­legri stöðu"
• Magnús Helgi Björg­vins­son: And­skot­ans ASN­AR eru Íslend­ing­ar.
• Ásgrím­ur Hart­manns­son: Ha ha!
• Sól­dís Fjóla Karls­dótt­ir: Jæja....hvað segið þið nú.....vinstra fólk
• Ívar Páls­son: For­set­inn snýr vörn í sókn
• percy B. Stef­áns­son: Nú fer þetta eft­ir dugnaði mál­svara okk­ar!!!
• Bene­dikta E: Hvernig á að skilja um­mæli aðstoðarfjármálaráðherra Bret­lands eft­ir - NEI …