Ekki ástæðulaus ótti

Það var full ástæða til að hafa áhyggjur af flugöryggi í Evrópu vegna ösku sem barst frá eldgosinu í Eyjafjallajökli. Þetta er niðurstaða viðamikillar rannsóknar á ösku frá gosinu og áhrifum hennar á flugöryggi.

Í skýrslunni, sem unnin var af íslenskum og dönskum sérfræðingum, segir að aska sem kom frá eldgosinu í upphafi gossins hafi verið mjög smágerð og hefði getað valdið tjóni á flugvélum sem flugu í gegnum öskuskýin. Askan hefði getað bráðnað inn í hreyflunum og skemmt þá, að því er fram kemur í frétt á BBC.

Askan frá Eyjafjallajökli olli mestu röskun á flugumferð síðan í seinni heimstyrjöldinni. Talið er að tjón flugfélaga vegna eldgossins hafi verið 1,5-2,5 milljarðar evra. 

Susan Stipp, frá Kaupmannahafnarháskóla, sagði í samtali við BBC, að það væri hægt að draga nokkrar mikilvægar ályktanir af rannsókninni. Í fyrsta lagi hefðu stjórnendur flugöryggismála í Evrópu tekið rétta ákvörðun um að stöðva flugumferð vegna öskunnar. Í öðru lagi sé búið að leggja vísindalegan grunn að ákvörðunum sem taka þurfi í framtíðinni. Í þriðja lagi hafi verið búin til módel sem hjálpi mönnum að átta sig á dreifingu öskunnar.

Skýrsla vísindamannanna

• 3 blogg um fréttina

Bloggað um fréttina

• Ómar Ragnarsson: Misvísandi vísbendingar.
• Jenný Stefanía Jensdóttir: Beðist velvirðingar á óþægindum ....
• Sigurður Haraldsson: Skoðið þetta að alvöru.