Erlent | mbl | 29.4.2011 | 6:20 | Uppfært 9:24

Bein útsending frá brúðkaupi

Hægt er að fylgjast með brúðkaupi Vilhjálms Bretaprins og Kate Middleton beint á netinu gegnum opinbera vefsíðu bresku konungsfjölskyldunnar, The royal channel. Hófst útsending þar klukkan 9.

Tímasetning helstu viðburða dagsins ( að íslenskum tíma):

7:15: Gestirnir koma í Westminster Abbey dómkirkjuna, þar sem brúðkaupið fer fram.
8:50 Þjóðhöfðingjar (aðrir en konungbornir) og sendiherrar erlendra ríkja koma til Westminster Abbey.
9:10 Vilhjálmur prins yfirgefur Clarence House ásamt svaramanni sínum og bróður, Harry prins. Faðir þeirra, Karl Bretaprins, er búsettur þar.
9:15 Prinsarnir koma til kirkjunnar.
9:20 Meðlimir erlendra konungsfjölskyldna koma til Westminster Abbey frá Buckingham höll.
9:27 Carole, móðir Kate og James bróðir brúðarinnar koma til kirkjunnar.
9:30 Ættingjar Vilhjálms úr bresku konungsfjölskyldunni koma til kirkjunnar.
9:40 Elísabet Englandsdrottning og Filippus prins fara frá Buckingham höll og halda af stað til kirkjunnar. Á sama tíma koma í kirkjuna: Andrés prins, dætur hans Beatrice og Eugeni, Játvarður prins og eiginkona hans Sophie, Anna prinsessa og eiginmaður hennar Timothy Laurence.
9:42 Karl Bretaprins og eiginkona hans, Camilla koma til kirkjunnar frá heimili sínu í Clarence House.
9:45 Elísabet Englandsdrottning og Filippus prins koma í kirkjuna.
9:51 Kate Middleton yfirgefur Goring hótelið í London ásamt föður sínum og þau halda af stað til kirkjunnar.
9:55 Brúðarmeyjar og -sveinar koma í kirkjuna. Þau koma einnig frá Goring hótelinu.
10:00 Brúðurin kemur í kirkjuna ásamt föður sínum og athöfnin hefst.
11:15 Brúðhjónin koma út úr kirkjunni og stíga upp í hestvagn frá árinu 1902. Þau aka til Buckingham hallar og drottningin ekur í humátt á eftir þeim.
11:30 Brúðhjónin koma, ásamt fylgdarliði, til Buckingham hallar. Nokkru síðar koma aðrir meðlimir konungsfjölskyldunnar og meðlimir erlendra konungsfjölskyldna.
11:40 Gestir brúðkaupsveislunnar koma til Buckingham hallar.
12:25 Vilhjálmur og Kate koma út á svalir Buckingham hallar, ásamt fjölskyldum sínum.
12:30 Konungsfjölskyldan fylgist með hátíðaflugsýningu Konunglega flughersins, áður en þau halda áfram veisluhöldum þar sem 600 gestum er boðið.
17:00 Einkaveisla fyrir 300 gesti í Buckingham höll.