Hvatt til framhjáhalds

Aðstandendur spænskrar stefnumótasíðu hafa vakið reiði á Spáni eftir að síðan tók að birta auglýsingar þar sem giftum konum er boðið upp á möguleikann á að hitta aðra elskhuga á laun og krydda þannig tilveruna með ástarfundum.

Fjallað er um málið á vef breska blaðsins Guardian en þar segir að síðan, sem gerir út frá höfuðborginni, Madrid, hafi reitt eiginmenn til reiði.

Þykir boðskapurinn, að framhjáhald sé einskonar leikur, ekki bera vott um ríka siðferðisvitund.

Talsmenn fyrirtækisins svara því hins vegar til að þeir hafi sett á legg fyrstu stefnumótasíðuna í Evrópu sem höfðar til fólks í sambúð eða hjónabandi.

Síðuna má nálgast hér en eins og sjá má bíður notenda mynd af konu í örmum brosandi karlmanns.

• 1 blogg um fréttina

Bloggað um fréttina

• Viggó Jörgensson: En karlarnir mega halda fram hjá.