Erlent | mbl | 1.5.2011 | 14:58

Starfsmenn SÞ yfirgefa Trípólí

Yfirvöld í Líbíu sýndu fréttamönnum í nótt byggingu sem þau segja að Saif al-Arab, sonur Gaddafis, og þrjú barnabörn leiðtogans hafi verið inni í þegar NATO gerði loftárás. Reuters

Æstur múgur réðist á skrifstofur Sameinuðu þjóðanna í Trípólí, höfuðborg Líbíu, í dag. Í kjölfar árásarinnar hefur SÞ ákveðið að flytja starfsfólk sitt á brott.

Ráðist var á byggingar SÞ í borginni og erlend sendiráð, en margir íbúar eru mjög reiðir vegna frétta um að sonur Múammars Gaddafis Líbíuleiðtoga hafi látist í loftárás NATO.

Starfsmaður SÞ segir í samtali við BBV að starfsmennirnir muni yfirgefa Líbíu. Ákvörðunin verði svo endurskoðuð í næstu viku.

Þá hafa bresk stjórnvöld vísað sendiherra Líbíu úr landi eftir að ráðist hafði verið á sendiráð Bretlands.

Ítalir hafa fordæmt árás sem var gerð á þeirra sendiráð, sem þeir segja að séu skemmdarverk