Meiri samruni eina svarið við vaxandi þjóðernishyggju

Eina svarið við vaxandi þjóðernishyggju og andúð á Evrópusambandinu (ESB) er meiri samruni innan sambandsins að mati Michel Barnier sem fer með málefni innri markaðarins í framkvæmdastjórn ESB. Hann segir að þetta sé hugsanlega eina leiðin til þess að koma í veg fyrir stöðnun og hnignun sambandsins.

Barnier vísaði til kosningasigurs stjórnmálaflokksins Sannra Finna í Finnlandi í þessum efnum og vaxandi stuðnings í Frakklandi við National Front. Sagðist hann óttast að þegar kæmi fram á árið 2050 yrði ESB lamað af „þjóðernissinnuðu lýðskrumi og eigingirni“ sem myndi draga úr vægi sambandsins.

„Við þurfum á því að halda að þjóðirnar tryggi stuðning borgaranna við Evrópusambandið. Við þurfum á því að halda að þjóðirnar berjist gegn þjóðernishyggju,“ sagði Barnier.

• 5 blogg um fréttina

Bloggað um fréttina

• Einar Þór Strand: Það er nokkuð ljóst að þessi maður skilur ekki vilja …
• Páll Vilhjálmsson: ESB-olía á eld þjóðernishyggju
• Gunnlaugur I.: ESB- Elítan trúir því að samruni ESB helst í eitt …
• Magnús Sigurðsson: Hvað er líkt með krókódíl?
• Anna Sigríður Guðmundsdóttir: Guð hefur talað og skoðanalaus hjörðin skal fylgja, gagnrýnilaust! Nei …