Færður fyrir dómara í dag
Setja bókamerki
/frimg/1/7/15/1071542.jpg)
Dominique Strauss-Kahn, framkvæmdastjóri Alþjóðagjaldeyrissjóðsins, nýtur ekki diplómatískrar friðhelgi, að sögn lögreglunnar í New York. Búist er við að Strauss-Kahn, verði færður fyrir dómara í dag en hann hefur verið ákærður fyrir kynferðisbrot í New York.
Talsmaður lögreglunnar í New York segir, að Strauss-Kahn hafi verið formlega handtekinn klukkan 2:15 í nótt að staðartíma, ákærður fyrir kynferðisbrot, tilraun til nauðgunar og frelsissviptingu.
Benjamin Brafman, lögmaður Strauss-Kahn, sagði í tölvupósti til Reutersfréttastofunnar að skjólstæðingur sinn muni lýsa sig saklausan af ákærunni fyrir dómara. Brafman tjáði sig ekki frekar um málið.
Lögreglan hefur eftir herbergisþernu á hóteli þar sem Strauss-Kahn dvaldi í gær, að hann hefði meðal annars neytt hana til að hafa við sig munnmök.
Reuters segir að í lögum New York ríkis sé það skilgreint sem kynferðisglæpur að neyða annan einstakling til munnmaka. Viðurlög eru allt að 15-20 ára fangelsi, eða sama refsing og fyrir nauðgunartilraun. Þá eru viðurlög við frelsissviptingu 3-5 ára fangelsi.
„Höfum sloppið bærilega með skaða af þessu gosi“
Pútín reynir allt til að forðast aðra herkvaðningu
Vika í kosningar: Þetta segja kannanir
50 milljónir eiga að minnka svindl um 1 milljarð
Ása Ellerup flutt út og ætlar að selja húsið
Ekki vandamál að vera karlmaður
Vegirnir voru eins og borðstofuborð