Obama: Vesturveldin leiða heiminn

Barack Obama, forseti Bandaríkjanna, segir að þrátt fyrir að ný risaveldi hafi litið dagsins ljós, þá sé það hlutverk Bandaríkjanna og Evrópu að leiða heiminn.

Þetta kom fram í ræðu sem Obama flutti fyrir framan breska þingmenn í dag, á öðrum degi opinberrar heimsóknar sinnar til Bretlands. Þar sagði forsetinn að samstarf Bandaríkin ásamt bandamönnum sínum í Evrópu hefðu mikilvægu hlutverki að gegna á þessari öld.

Fram kemur á vef breska útvarpsins að Obama sé fyrsti Bandaríkjaforsetinn sem ávarpi breska þingmenn í Westminster.

Obama sagði jafnframt bandalag Bandaríkjanna og Bretlands væri eitt að elsta og sterkasta í sögunni.

Viðstaddir stóðu upp og klöppuðu forsetanum lof í lófa þegar hann hóf ræðu sína. Hann fór yfir fjölmörg svið en hann ræddi m.a. um utanríkisstefnu, efnahagsmál og öryggismál á heimsvísu.

Obama viðurkenndi í ræðu sinni að ávallt væri verið að greina samskipti Breta og Bandaríkjamanna niður í smæstu eindir. „Það eru fáar þjóðir sem standa jafn þétt saman, tala hærra og berjast jafn kröftuglega til að verja lýðræðisleg gildi í heiminum, heldur en Bandaríkin og Bretland,“ sagði Obama.

• 1 blogg um fréttina

Bloggað um fréttina

• el-Toro: að Obama finnist hann knúin til að nefna þetta, er …