Uppruninn í mataræði kvenna
Setja bókamerki
Uppruna kólígerilsins sem valdið hefur faraldri í Þýskalandi og víðar er mögulega að finna í þeirri tegund matar sem konur vilja frekar en karlar. Þetta segir sérfræðingur hjá WHO, Alþjóða heilbrigðisstofnuninni en fleiri konur virðast sýkjast af gerlinum heldur en karlmenn.
Um sjúkdóma og faraldra sem berast með matvælum segja sérfræðingar WHO að áhrifin geti verið misjöfn milli til dæmis karla og kvenna eða barna og fullorðinna. Það skiptir því máli hver borðar hvað.
Heilbrigðisyfirvöld í Þýskalandi hafa tilkynnt fleiri en 2.000 tilfelli af kólígerlasmiti. Þá hefur fólk látist af völdum sjúkdóma sem leiða af sýkingunni. Uppruni sýkingarinnar er enn ófundinn en talið hefur verið að bakterían berist með menguðu grænmeti. Nokkur ríki, þar á meðal Rússland, hafa vegna þessa bannað allan innflutning grænmetis frá ríkjum Evrópusambandsins.
Alþjóða heilbrigðisstofnunin hvetur hins vegar ekki til viðskiptahindrana milli landa en ráðleggur fólki að gæta hreinlætis, til dæmis með handþvotti, þar sem sýkingar manna á milli eru ekki útilokaðar.
Hraun kemur úr þremur gígum: Virknin stöðug
Drónamyndskeið frá hápunkti gossins í nótt
„Höfum sloppið bærilega með skaða af þessu gosi“
Reiðubúin að aflýsa verkföllum í fjórum leikskólum
Nýtt fangelsi í landi Stóra-Hrauns tilbúið 2028
Viðræður ekkert þokast frá því á þriðjudag
Dómur þyngdur um þrjú ár
Hentugt gos fyrst gýs á annað borð